მსოფლიოში უდიდესი მზის ელექტროსადგური ავსტრალიაში აშენდება, შერჩეულია კონკრეტული ადგილიც. პროექტი, სახელად Australia–ASEAN Power Link-ი 20 მილიარდ ავსტრალიურ დოლარად არის შეფასებული და ის ავსტრალიის ჩრდილოეთ ტერიტორიაზე აშენდება, ქალაქ დარვინსა და ალის-სპრინგსს შორის.
ჩინეთში დაფუძნებულმა ტექნოლოგიურმა კომპანიამ OnePlus მომხმარებლებს Nord-ის სერიის ორი სმარტფონი, N10 5G და N100 წარუდგინა. აღსანიშნავია, რომ წინა მოდელებისგან განსხვავებით, რომლებიც მხოლოდ ევროპისა და აზიის ქვეყნებში იყო ხელმისაწვდომი, ახალი მოწყობილობების შეტანა ჩრდილოეთ ამერიკის ბაზარზეც იგეგმება.
Android 10-ის ოპერაციულ სისტემაზე მომუშავე Nord N10 5G-ის ეკრანის ზომა 6,49 დუიმია. ის მძლავრი პროცესორით Snapdragon 690 არის აღჭურვილი და, როგორც სახელწოდებიდან ჩანს, 5G მხარდაჭერით სარგებლობს. მოდელის შიდა მეხსიერება 128GB, ოპერატიული მეხსიერება 6GB, ელემენტის ტევადობა კი 4300 mAh-ია. მოწყობილობას 64-მეგაპიქსელიანი მთავარი კამერა, 8-მეგაპიქსელიანი ფართოკუთხოვანი კამერა, 2-მეგაპიქსელიანი მაკრო ლინზა და 2-მეგაპიქსელიანი სიღრმის სენსორი აქვს. N10 5G-ის წინა კამერით 16- მეგაპიქსელიანი სურათების გადაღებაა შესაძლებელი. მისი სისქე 8,95 მილიმეტრია, წონა კი 190 გრამს შეადგენს.
რაც შეეხება Nord N100-ს, მისი ეკრანის ზომა 6,52 დუიმია. მოდელი 4G მხარდაჭერით სარგებლობს, ანდროიდ 10-ის ოპერაციულ სისტემაზე მუშაობს და პროცესორით Snapdragon 460 არის აღჭურვილი. სმარტფონის შიდა მეხსიერება 64GB, ოპერატიული მეხსიერება 4GB, ელემენტის ტევადობა კი 5,000mAh-ია. მოწყობილობის უკანა კორპუსზე 13-მეგაპიქსელიანი მთავარი კამერა, 2-მეგაპიქსელიანი სიღრმის სენსორი და 2-მეგაპიქსელიანი მაკრო ლინზაა განლაგებული. მისი წინა კამერით 8-მეგაპიქსელიანი სურათების გადაღებაა შესაძლებელი მოდელის სისქე 8,49 მილიმეტრია, წონა კი – 188 გრამი.