ჩრდილოეთ კაროლინას მაცხოვრებლები ღამის ცაში ნანახმა უცნაურმა ნათებამ აღაშფოთა. UFO-ს თეორიის მომხრეებმა კიდევ ერთხელ ისაუბრეს უცხოპლანეტელების მზვერავი ხომალდის შესახებ, თუმცა, როგორც აღოჩნდა, უცნაური ნათება “საეჭვოდ” ემთხვევა Starlink-ის მორიგ გაშვებას დედამიწის ორბიტაზე.
Space-X-მა, Falcon 9-ის მორიგი და ამჯერად რეკორდული მე-9 გაშვებით ორბიტაზე დამატებით 60 Starlink-ის სატელიტი გაიტანა.
შეგახსენებთ, რომ Space X-ის თავკაცი, ილონ მასკი კოსმოსური ინტერნეტ ქსელის შექმნას ცდილობს. მას უფლება აქვს ორბიტაზე, 12 000 სატელიტი განათავსოს. Space X-მა უკვე გაუშვა 1000 სატელიტი, თუმცა მიზნამდე ჯერ კიდევ დიდი გზაა.
დაზუსტებით იმის თქმა შეუძლებელია, ნამდვილად Space-X-ის გაშვებაა თუ არა აღბეჭდილი ვიდეოზე, მაგრამ ალბათობა დიდია, რადგან დროში მოვლენები ერთმანეთს ემთხვევა.